امتى نفوق من اللى احنا فيه

السلام عليكم ورحمة الله وبركاته
انا مش عارفة ابدأ ازاى بس بجد انا تعبت واتخنقت من اللى بتشوفه عنيا و اللى بيحصل وهل العيب فينا ولا في الزمن واليويمين دول بقيت مش مشكلة العصر هى الحب وكل المشاكل اللى جايانى عن الحب واللى بشوفها برضه الحب بس انا لاحظت ان البنات هى اللى بتحب وهى اللى بتضر و الاولاد احسن حاجة فيهم الخيانه مبدأ يبقي هيموت لحد ما يتأ كد ان البنت بتحبه وبعد كدة يدور على غيرها ونفس اللعبة بتتكرر وبعدين البنت تجرح وبعدين تفوق وترجع تحب تانى ورجعت ريمة لعادتها القديمة ونفس الجرح والمشكلة ان الواحدة بتبقي متأكدة ان الولد ده بيلعب بيها لكن احنا مش بنتعلم انا مش عارفة ده ليه وهنفضل كدة لحد امتى وبعد كدة يرجع الولد اول ما يفكر ان عاوز يتجوز يدور على البنت اللى معرفتش شباب خالص و المصيبه ان الولد بيكون عرف حوالى 30 او 40 بنت على مر شبابه يبقي كدة هيلقي البنت الكويسه ازاى وانا شايفة ان بكدة هيبقي مفيش بنت كويسه خالص بالنسبة للولد وده هيسبب ليه الشك و انا مش عارفة ليه الولد قبل ما يفكر يلعب باى بنت ليه ميفكرش انه عنده اخت بنت وحتى لو معدوش ممكن اى بنت من المقربين له يحصله كدة ارجوكم حاولو معايا اننا نقضى على الظاهرة دى لان ده وباء و لازم ننتهى منه اختكم في الله نهلة
ويارب يكون نال اعجابكم

السلام عليكم
والله يافندم المشكله مش في الولد بس المشكله في الاثنين
والحب الصادق في هذا الزمان ما هو الا قله قليه جدا يعني مش اي تسالي نقدر نقول عليهم حب
لازم نفرق شويه بين الحب والتسالي وبتكون واضحه والله
جزاكم الله كل الخير

و الله ما هو بيتسلى تحت شعار الحب و لا انت مش معايا لما بيجى يقول ويتعرف على البنت بيقولها انه بيحبها ولا انا بتسلى ياريت تجاوبنى

بيقولها بحبك وبيكون بيتسلي واكيد بتكون واضحه ومعروفه وبيكون باين انه كداب
طيب ايه رايك ان في بنات كده كتير وبيموتوا ويتسلوا
عادي يعني وولاد برده نفس النظام


ربنا يستر علينا بس العيب مش علي الولاد بس والله مش عشان انا ولد لاكن الطرفين عندهم عيوب كتيره في الموضوع ده

انا مش معاك في كدة صدقنى العيب من الاول على الولد والخسران هى البنت صدقنى الولد مش خسران

معاكي ان الولد مش خسران لاكن والله العيب علي الاثنين

البنت بتحاول تدور على الامان والولد بيستغل دهصح ولا غلط

صح يافندم والولد بيحاول يدور علي الحب والبنت بتخدع برضه




وبرده في بنات بتدور علي الحب والولاد بتخدع برده



يعني في تساوي

انت منحاز للولد لانك ولد

لا يافندم انا بقول



(((( كل بن ادم خطاء ))))



جزاكم الله كل الخير

اوك و انا معاك في كدة

بسم الله
اولا انا متفقه فى راى مع اخ كريم
لانه فعلا زى ما فى ولاد بتدور على كده فى بنات بتدور على كده
وانا عن نفسى وهتكلم بصراحه
انا عمرى ما حبيت ولا هحب الا هيتقدملى ويطلب ايدى من بابا
شكرا لطرحك الموضوع

طيب يابنت العقيده
حضرتك كلامك تمام ومضبوط


لاكن
موضوع
وانا عن نفسى وهتكلم بصراحه
انا عمرى ما حبيت ولا هحب الا هيتقدملى ويطلب ايدى من بابا


اسف
الحب بييجي في اي وقت وكتير قبلك قالوا نفس كلامك وكانو بيسموا الحب ده عبط وحاجه عبيطه دلوقتي بحبوا من الاخر انا واحد منهم
هييجي يوم عليكي وهتحبي او تعجبي بشخص ما
وهيحصل بجد لاننا بنتكلم في البدايه ووقت كده مش بنفكر

على فكرة انا مع بنت العقيدة اننا كبنات محترمين لازم نحب اللى هيجي البيت لان الحب عبط وزاجة كمان ومفيش حب بجد الحب اللى بجد كان ايام جدودنا اللى يرحمهم بقي ويرحم الزمن الجميل واشكرك لمرورك

لا والله لسه الدنيا بخير
بس لو واحد محترم ووحده محترمه حبوا بعض وكانوا واثقين من انهم هيكملوا لبعض
لان في علاقات حب بتكون باينه من اولها ان في امل ضعيف من الارتباط والزواج ومع ذلك بيكملوا

بس بجد والله في ناس كتير بتحب بجد
وبيكونومحترمين بجد واهم حاجه انهم بيحافظوا علي اللي بيحبوهم

وهييجي يوم عليكم وهجربوا اللي بقوله

بس مفيش احسم من الزواج التقليدى اللى بيحب بيجى البيت ده الصح لكن حب وفشل ده جنان

الزواج التقليدي يافندم منتشر
ولاكن الجيل بتاعنا اصبح يرفض ذلك

فعلا مزال الزوج التقليدى منتشر
ومازلت الاجيال الحديثه ترفض ذلك
ربنا معاهم ويسترها معهم

شكرا موضوع مفيد